Prabhu chain ki bajaado bansi re
kahin vair na rahe nafrat na rahe – 2
Chahun aur ho shaanti shaanti re
kahin vair na rahe nafrat na rahe
Ekta ke jag mein geet sajein
mil vartan ka sangeet sajey
Har vaani ho madhur surili re
kahin vair na rahe nafrat na rahe
Lage har nar naarayan jaisa
karde tu kuch jaadoo aisa
Devon ki lagey jag nagri re
kahin vair na rahe nafrat na rahe
Karuna ka mann mein deep jaley
hirday mein prem hi prem paley
Nikle na dharam ki arthi re
kahin vair na rahe nafrat na rahe
Prabhu saare "jagat" se paap mitey
har pidaa har santaap mitey
Sukh paaye bilakhti dharti re
kahin vair na rahe nafrat na rahe
No comments :
Post a Comment